കോഴിക്കോട്(03.11.13):- കാലിക്കറ്റ് യൂണിവേഴ്സിറ്റിയിലെ ലക്ഷദ്വീപ് സ്റ്റുഡന്‍സ് ഫോറവും ഹിസ്റ്ററി ഡിപ്പാര്‍ട്ട് മെന്റും സംയുക്തമായി സംഘടിപ്പിക്കുന്ന 'കുട്ടിക്കയ്യാല' എന്ന Seminar & Culture Night പരിപാടി നാളെ (4.11.13) രാവിലെ 9 മണിക്ക് യൂണിവേഴ്സിറ്റി സെമിനാര്‍ ഹാളില്‍ നടത്തുന്നു. പരിപാടിയുടെ ഉത്ഘാടനം യൂണിവേഴ്സിറ്റി വൈസ്ചാന്‍സിലര്‍ നിര്‍വ്വഹിക്കും. കേരളത്തിലെ വിവിധ കോളേജുകളില്‍ പഠിക്കുന്ന നിരവധി വിദ്യാര്‍ത്ഥികള്‍ പരിപാടിയില്‍ സംവദിക്കുമെന്ന് സംഘാടകര്‍ അറിയിച്ചു. വിദ്യാര്‍ത്ഥികളുടെ ഭക്ഷണവും താമസവും സംഘാകര്‍ നിര്‍വ്വഹിക്കുമെന്നും അറിയിച്ചു.
ലക്ഷദ്വീപിന്റെ ഭാഷ, സംസ്ക്കാരം, കല , വിദ്യാഭ്യാസം തുടങ്ങിയ വിഷയങ്ങളില്‍ നടക്കുന്ന സെമിനാറില്‍ പങ്കെടുക്കാന്‍ ദ്വീപിലെ പ്രമുഖ വ്യക്തിത്വങ്ങളായ പത്മശ്രീ ഡോ.റഹ്മത്ത്ബീഗം, ഡോ.എം.മുല്ലക്കോയ, ഡോ.സി.ജി.പൂക്കോയ, ശ്രീ.യൂസികെ തങ്ങള്‍, ശ്രീ.സൈദ് ശൈഖ്കോയ, ശ്രീ.കെ.ജി.മൂസ, ശ്രീ.കെ.പി.മുത്തുകോയ, ശ്രീ.പുതിയത്താനോട അമീര്‍ തുടങ്ങിയവരുടെ മഹനീയ സാന്നിധ്യം സംഘാടകര്‍ പ്രതീക്ഷിക്കുന്നു.
വൈകുന്നേരം ദ്വീപിലെ വിവിധ കലാരൂപങ്ങളായ കോല്‍ക്കളി, പരിചക്കളി, ഉലക്കമുട്ട്, ബാണ്ടിയാ, ലവാ, ഡോലിപ്പാട്ട് തുടങ്ങിയ ഇനങ്ങളുടെ പ്രദര്‍ശനവും ഉണ്ടാകും.
പ്രസ്തുക പരിപാടിയിലേക്ക് കാലിക്കറ്റ് യൂണിവേഴ്സിറ്റി സ്റ്റുഡന്‍സ് ഫോറം എല്ലാവരേയും ക്ഷണിക്കുന്നു.
No comments:
Post a Comment
നിങ്ങളുടെ അഭിപ്രായം മോഡറേറ്റര്‍ പരിശോധിച്ച ശേഷം ഇവിടെ പോസ്റ്റ്‌ ചെയ്യുന്നതാണ്‌.
Your feed will be published after the approval of our moderators.