മിനീക്കോയിയില്‍ ബലിപെരുന്നാള്‍ സമുചിതമായി ആഘോഷിച്ചു.

മിനിക്കോയി(16/10/2013): ആത്മത്യാഗത്തിന്‍റെയും ക്ഷമയുടെയും കഥപറയുന്ന ബലിപെരുന്നാള്‍ പരമ്പരാഗത പ്രൌഡികളുണര്‍ത്തി ഇവിടുത്തെ വില്ലേജുകള്‍ ആഘോഷിച്ചു. പെരുന്നാള്‍ രാവില്‍ പരസ്പരം വീടുകള്‍ സന്ദര്‍ശിച്ചും ആശംസകള്‍ കൈമാറിയും അവര്‍ ഒത്ത്ചേര്‍ന്നു. രാവിലെ 7.40നു ദ്വീപിലെ പ്രധാന ജുമാ മസ്ജിദുകളായ ബാഡ ജുമാ മസ്ജിദിലും ഫുന്‍ഹിലോല്‍ ജുമാ മസ്ജിദിലും പെരുന്നാള്‍ നമസ്കാരത്തിനായി ആബാല-വൃദ്ധ ജനങ്ങളും സമ്മേളിച്ചു. ബഹുമാനപ്പെട്ട KRB ഇബ്രാഹിം മൌലവി അലികൌഗോത്തിയും ജനാബ് ഡി. മുഹമ്മദ് ബിന്‍ മൂസ (ഖത്തീബ്)യും യഥാക്രമം പെരുന്നാള്‍ നമസ്കാരത്തിന് നേതൃത്വം നല്‍കി. പെരുന്നാള്‍ ഖുത്തുബയില്‍ ബലിപെരുന്നാളിന്‍റെ ചരിത്ര പ്രാധാന്യത്തെക്കുറിച്ച് അവര്‍ സംസാരിച്ചു. ബദര്‍ പള്ളിയില്‍ കടമത്ത് സ്വദേശി ഉവ്വ എന്ന ഹിദായത്തുള്ള സാഹിബ് പെരുന്നാള്‍ നമസ്കാരത്തിന് നേതൃത്വം നല്‍കി.

പിന്നീട് "ഖുര്‍ബാനി" എന്ന ചടങ്ങ് സംഘടിപ്പിച്ചു. ബലിമ്യഗത്തെ അറവ് നടത്തുന്ന ചടങ്ങാണിത്. തുടര്‍ന്ന് വില്ലേജ് മൂപ്പന്മാരുടെ ഭരണ ആസ്ഥാനമായ വിവിധ വില്ലേജ് ഹൌസുകളില്‍ പരമ്പരാഗതമായ ചടങ്ങുകളുമുണ്ടായി. ചിലര്‍ നാടിന്‍റെ തെക്കേ അറ്റത്തുള്ള "തുണ്ടി"യിലേക്ക് വിനോദ യാത്രകളും സംഘടിപ്പിച്ചു.