അമൃതയുമായി ഇനിയും മുന്നോട്ട് പോകണോ? (Editorial)

ലക്ഷദ്വീപ് എന്ന കേന്ദ്രഭരണ പ്രദേശം ഒറ്റപ്പെട്ടുകിടക്കുന്നതിനാലും സ്ഥലപരിമിതി കാരണത്താലും protection of scheduled tribes Regulation Act 1964 ല്‍ ദ്വീപില്‍ നിലവില്‍ വന്നു. ഈ ആക്ടിനെ മറികടന്ന് കൊണ്ട് ദ്വീപില്‍ ചേക്കേറിയ കാസിനോ മുഖേന നമ്മള്‍ അനുഭവിക്കുന്നത് വേറൊരു ദുരിതമെന്ന് പറയാം. ശേഷം വീണ്ടും അമൃതയുടെ രൂപത്തില്‍.

കേന്ദ്ര ആരോഗ്യ വകുപ്പിന്റെ അവഗണന വകവയ്ക്കാതെ (Ref:- Letter No.10(20) /2010-NRHM-1 dtd 11th January 2011- പ്രകാരം മാസം 60 ലക്ഷത്തിനേക്കാളും വളരെ ചുരുങ്ങിയ ചെലവില്‍ ഇത് ലക്ഷദ്വീപ് ഗവ.ന് ഇത് നടത്തിക്കാവുന്നതാണ്) അഡ്മിനി ശ്രീ.ജെ.കെ.ദാദൂ അമൃതയുമായുള്ള MoU യില്‍ 19th May 2011 ന് ഒപ്പുവെച്ചു. രണ്ട് വര്‍ഷത്തേക്കുള്ള കരാര്‍ പ്രകാരം മാസം 60 ലക്ഷം രൂപയ്ക്ക് അതായത് വര്‍ഷം 8 കോടി രൂപയ്ക്കാണ് ഇത് അമൃതാ ഇന്റസ്റ്റിറ്റ്യൂട്ട് ഓഫ് മെഡിക്കല്‍ സയന്‍സിന് നല്‍കിയത്. ദ്വീപിലെ പോര്‍ട്ട് ഡിപ്പാര്‍ട്ട്മെന്റ് പോലെയുള്ള മറ്റ് പല ഫണ്ടില്‍ നിന്നുമാണ് ഇതിനായി ഇത്രയും വലിയ തുക ദ്വീപ് ഭരണകൂടം കണ്ടെത്തിയത്.

അമൃതയുമായുള്ള MoU ഈ മാസം 18 ന് അവസാനിക്കുമ്പോള്‍ അഗത്തിയുള്‍പ്പടെയുള്ള ഓരോ ദ്വീപ് കാരനും അഗത്തി രാജീവ് ഗാന്ധി സൂപ്പര്‍ സ്പെഷ്യലിറ്റി ഹോസ്പിറ്റലില്‍ ഈ കാലയളവില്‍ ലഭിച്ച് ചികിത്സയെക്കുറിച്ച് പുനര്‍വിചിന്തനം നടത്തേണ്ട സമയമാണ്. ഒരു പക്ഷെ അഗത്തി ദ്വീപ് കാര്‍ക്കോ അല്ലെങ്കില്‍ ചില പ്രത്യേക രോഗക്കാര്‍ക്കോ നേട്ടമുണ്ടായേക്കാം. പക്ഷെ ഈ സേവനം ദ്വീപിലെ ആകെ ശതമാനത്തിന്റെ 20 പോലുമെത്തുമോ എന്ന കാര്യത്തില്‍ ആശങ്കയുണ്ട്!!!

പല രോഗികളും ഇവിടെ എത്തുകയും തുടര്‍ചികിത്സക്കായി വന്‍കരയെ ആശ്രയിക്കേണ്ടതായും വന്നിട്ടുണ്ട്. മരുന്നല്ലെന്നുള്ള കാരണം വേറെയും. പ്രസവത്തിനായി ഇവിടെ എത്തിയവര്‍ക്ക് ഏറെയും സിസേറിയന്‍ വേണ്ടിവന്നു!!! ഒടുവില്‍ ഇവിടേക്ക് രോഗികള്‍ പോകാന്‍ തയ്യാറാകെതെയായി.

പലര്‍ക്കും ന്യായീകരിക്കാന്‍ വാക്കുകള്‍ ഏറെ. മെഡിക്കല്‍ ഡയരക്ടര്‍ക്കും ഡിസ്ട്രിക്ട് പഞ്ചായത്ത് അധികൃതര്‍ക്കും അഗത്തിയില്‍ ഈ ഹോസ്പിറ്റല്‍ തുടങ്ങിയതിനെതിരെ അമര്‍ഷമാണെന്നാണ്. അത് കാരണം മരുന്നും ഉപകരണങ്ങളും എത്താതായി.

എതായാലും ഇത്രയുമധികം പൈസചെലവാക്കി നടത്തിക്കുന്ന ഹോസ്പിറ്റലില്‍ ദ്വീപിലെ ഓരോ പൗരനും ആവശ്യമായ ചികിത്സ ലഭിക്കുന്നില്ലെന്ന കാര്യം തീര്‍ച്ചയാണ്. ഇത്രയുമധികം പൈസ (വര്‍ഷം 8 കോടി) കേരളത്തിലെ വേറെ ഏതെങ്കിലും ഹോസ്പിറ്റലിലേക്ക് നല്‍കുകയാണെങ്കില്‍ 70,000 മാത്രം ജനസംഖ്യ വരുന്ന ദ്വീപിലെ മുഴുവന്‍ ആളുകള്‍ക്കും സൗജന്യ ചികിത്സ നല്‍കുമെന്ന് തീര്‍ച്ചയല്ലേ!!!

ദ്വീപിലെ നിരവധി ഡോക്ടര്‍മാര്‍ ഇന്ത്യയിലെ വിവിധ ഭാഗങ്ങളില്‍ ജോലിചെയ്യുന്നു. കൂടാതെ 20 ഓളം പി.ജി. ഡോക്ടര്‍മാരും പലസ്ഥലങ്ങളിലായി ജോലി ചെയ്യുന്ന കാര്യം നമുക്ക് അറിയാവുന്നതാണ്.

ഏതായാലും RGSSH ല്‍ അമൃതാ ഇന്‍സ്റ്റിറ്റ്യൂട്ട് ഏറ്റെടുത്തിട്ട് രണ്ട് വര്‍ഷം തികയുന്ന ഈ വേളയില്‍ അമൃതയ്ക്ക് തുടര്‍ന്ന് നല്‍കണോ? എന്നതിനെക്കുറിച്ച് ദ്വീപിലെ ഓരോ വ്യക്തിക്കും ചിന്തിക്കാനുള്ള അവകാശം കണക്കിലെടുത്ത് ദ്വീപ് ഡയരി ഇത് വായനക്കാരുടെ അഭിപ്രായത്തിനായി വിടുന്നു.