(ഫോട്ടോ കടപ്പാട് :- www.lg13kadmat.blogspot.in)
കടമത്ത്(20/10/13):- 23 ന്നാമത് ലക്ഷദ്വീപ് സ്കൂള്‍ ഗെയിംസ് കായിക മാമാങ്കത്തിന് തിരിതെളിഞ്ഞു. വൈകുന്നേരം സ്കൂള്‍ ഗ്രൗണ്ടില്‍ നടന്ന വര്‍ണശബളമായ പരിപാടി ലക്ഷദ്വീപ് ജില്ലാ കളക്ടര്‍ ശ്രീ.ജെ.അശോക് കുമാര്‍.IAS ഉത്ഘാടനം ചെയ്തു. 20 മുതല്‍ 31 വരെ നടക്കുന്ന ദ്വീപിലെ ഏറ്റവും വലിയ കായികമാമാങ്കമായ LSG യില്‍ പങ്കെടുക്കാനായി വിവിധ ദ്വീപുകളില്‍ നിന്നായി 600 റിലധികം കായിക താരങ്ങളാണ് എത്തിയിരിക്കുന്നത്.
വൈകുന്നേരം നടന്ന ഉത്ഘാടന ചടങ്ങിലേക്ക് അതിഥികളെ സ്വീകരിക്കാനായി സ്കൂള്‍ വിദ്യാത്ഥികള്‍ നടത്തിയ നൃത്തപരിപാടികള്‍ കായികമേളക്ക് മാറ്റ് കൂട്ടി. പരിപാടിക്ക് വിദ്യാഭ്യസ ഡയരക്ടര്‍ ശ്രീ.എ.ഹംസ സ്വാഗതം പറഞ്ഞു. ശേഷം വിശിഷ്ട അതിഥിയുടെ ഉത്ഘാടന പ്രസംഗം നടന്നു.തുടര്‍ന്ന് വിവിധ
വകുപ്പ് മേധാവികളും രാഷ്ട്രീയ സാമുഹിക രംഗത്തെ പ്രമുഖരും ആശംസകള്‍
നേര്‍ന്നു. പരിപാടിക്ക് ശ്രീ.മോഹന്‍ മാസ്റ്റര്‍, ചെയര്‍മാന്‍ ഓര്‍ഗനൈസിങ്ങ് കമ്മിറ്റി നന്ദിയും പറഞ്ഞു. ശേഷം കടമത്ത് സ്കൂള്‍ കുട്ടികളുടെ ന്യത്ത പരിപാടിയും നടന്നു.
പരിപാടിയുടെ തത്സമയ സ്കോറുകളും ഫോട്ടോകളും www.lg13kadmat.blogspot.in എന്ന വെബ്സൈറ്റില്‍ ലഭ്യമാകും.
No comments:
Post a Comment
നിങ്ങളുടെ അഭിപ്രായം മോഡറേറ്റര്‍ പരിശോധിച്ച ശേഷം ഇവിടെ പോസ്റ്റ്‌ ചെയ്യുന്നതാണ്‌.
Your feed will be published after the approval of our moderators.