ക്രെയിന്‍ മറിഞ്ഞു; ഡ്രൈവര്‍ കഷ്ടിച്ച് രക്ഷപ്പെട്ടു.

അമിനി: കിഴക്ക് ഭാഗത്തുള്ള പാലത്തില്‍ എം.എസ്.വി ടൂട്ടികൊറിന്‍ എന്ന മഞ്ചുവില്‍ നിന്ന് ചരക്കുകള്‍ ഇറക്കുകയായിരുന്ന ക്രെയിന്‍ മറിഞ്ഞു. ഡ്രൈവറുടെ അശ്രദ്ധയാണ് കാരണമെന്നു

ദൃക്സാക്ഷികള്‍ ദ്വീപ് ഡയറിയോട് പറഞ്ഞു. അപകടം മനസ്സിലാക്കിയ ഡ്രൈവര്‍ പെട്ടെന്നു തന്നെ ചാടിയത് കൊണ്ട് പരിക്കുകളില്ലാതെ രക്ഷപ്പെട്ടു. മഞ്ചുവില്‍ നിന്നു ലോഡ് ഉയര്‍ത്തുമ്പോള്‍  ക്രെയിന്‍  നിയന്ത്രണം വിട്ട് മുന്‍ഭാഗത്തെ ചക്രങ്ങള്‍ പാലത്തില്‍ നിന്ന് ഇറങ്ങി മഞ്ചുവിന്‍റെ അരികില്‍ ഉറച്ച്നിന്നുവെന്നും പിന്നീട് മഞ്ചു നീങ്ങിയപ്പോള്‍ ക്രെയിന്‍ ചരിഞ്ഞു വീഴുകയായിരുന്നെന്നും

ദൃക്സാക്ഷികള്‍ പറഞ്ഞു. അമിനിയില്‍ ഇത് രണ്ടാം തവണയാണ് ക്രെയിന്‍ മറിയുന്നത്.