കവരത്തി(19/03/2013): കോഴികോട് സര്‍വ്വകലാശാല കേന്ദ്രം അധ്യാപക പരിശീലന കോളേജിലെ 2011-12 അക്കാദമിക വര്‍ഷത്തെ കോളേജ് മാഗസിന്‍ ലക്ഷദ്വീപ് ടൂറിസം ഓഫീസര്‍ ശ്രീ. പി. കുഞ്ഞികോയ പ്രകാശനം ചെയ്തു. "വിട പറഞ്ഞവര്‍ പുനര്‍ജനിക്കുമ്പോള്‍" എന്ന തലക്കെട്ടില്‍ വര്‍ണ ശബളിതമായ മാഗസിന്‍, സ്റ്റുഡന്‍റ്സ് എഡിറ്റര്‍ ശ്രീ. നൌഷാദിന്‍റെ നേതൃത്വത്തിലാണ് രൂപപ്പെടുത്തിയത്.
കൂടാതെ മികച്ച സ്കോര്‍ നേടിയ വിദ്യാര്‍ത്ഥികള്‍ക്ക് മെറിറ്റ് അവാര്‍ഡും സര്‍ട്ടിഫിക്കറ്റുകളും നല്‍കി ആദരിച്ചു. ചടങ്ങിന്‍റെ ഔപചാരിക ഉല്‍ഘാടനം ബഹുമാനപ്പെട്ട വിദ്യാഭ്യാസ മേധാവി ശ്രീ. എ. ഹംസ നിര്‍വ്വഹിച്ചു. കോളേജ് പ്രിന്‍സിപ്പാള്‍ ശ്രീമതി. ഡോ. എസ്. ലാലി, DIET പ്രിന്‍സിപ്പള്‍ ശ്രീ. കെ. മുഹമ്മദ്, GSSS പ്രിന്‍സിപ്പാള്‍ ശ്രീ. അബ്ദുല്‍ ഹമീദ് കോയ, കോളേജിന്‍റെ മുന്‍ PTA പ്രസിഡന്‍റ് ശ്രീ. പി.കോയ എന്നിവര്‍ ചടങ്ങില്‍ സംസാരിച്ചു. ഫിസിക്കല്‍ സയന്‍സില്‍ നിന്നുള്ള ശാഹില ഏറ്റവും ഉയര്‍ന്ന സ്കോര്‍ നേടിയ വിദ്യാര്‍ത്ഥിക്കുള്ള അവാര്‍ഡ് വിദ്യാഭ്യാസ മേധാവിയില്‍ നിന്നും സ്വീകരിച്ചു.
No comments:
Post a Comment
നിങ്ങളുടെ അഭിപ്രായം മോഡറേറ്റര്‍ പരിശോധിച്ച ശേഷം ഇവിടെ പോസ്റ്റ്‌ ചെയ്യുന്നതാണ്‌.
Your feed will be published after the approval of our moderators.